2022 оны 2 дугаар сарын 28-ны өдөр давж заалдах болон эрүү, иргэн, захиргааны анхан шатны шүүхийн шүүгч нар, шүүгчийн туслахууд, Баянхонгор аймаг дахь Шүүхийн шийдвэр гүйцэтгэх газрын шийдвэр гүйцэтгэгч нар болон бусад холбогдох ажилтнуудыг хамруулсан уулзалт, зөвлөгөөнийг Шүүхийн байранд амжилттай явуулж, Баянхонгор аймаг дахь Шүүхийн шийдвэр гүйцэтгэх газраас ирүүлсэн Баянхонгор аймаг дахь эрүү, иргэн, захиргааны хэргийн анхан шатны шүүхүүдийн шийдвэрлэсэн шүүхийн шийдвэрийн биелэлтийн мэдээ судалгааг 2020 оноос 2021 оны 10 сарын байдлаар гаргуулан авч дүн шинжилгээ хийж, мөн Шүүхийн шийдвэр гүйцэтгэх газраас өөрсдийн 2021 оны гүйцэтгэх баримт бичгийн биелэлтийн хувь хэмжээг, улсын дундажтай харьцуулсан тайлан судалгааг танилцуулав.
Мөн уулзалт, зөвлөгөөний үеэр эрүү, иргэн, захиргааны хэргийн гүйцэтгэх баримт бичгийг биелүүлэхэд учирч буй саад бэрхшээл, тулгамдсан асуудал, санал зөрүүтэй байдлуудыг тодруулан ярилцаж, энэ талаар Баянхонгор аймаг дахь сум дундын иргэний хэргийн анхан шатны шүүхээс зөвлөмж гаргаж, Баянхонгор аймаг дахь Шүүхийн шийдвэр гүйцэтгэх газарт хүргүүлэхээр шийдвэрлэлээ.
