Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

СУМ ДУНДЫН ЭРҮҮГИЙН ХЭРГИЙН АНХАН ШАТНЫ ШҮҮХИЙН ШИЙДВЭРИЙН ТОЙМ №1 - ХУУЛЬ САХИУЛАГЧИЙГ ЭСЭРГҮҮЦСЭН ГЭМТ ХЭРГИЙГ ХЭРЭГСЭХГҮЙ БОЛГОВ

Баянхонгор аймаг дахь Сум дундын Эрүүгийн хэргийн анхан шатны шүүх 2022.10.24-ний өдрийн №195 Шт


Шийдвэрийн шийдвэрийн тойм: №01, 2023.01.17


Шийдвэрийн төлөв: Хүчин төгөлдөр болсон


Санамж: "Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.”


Б аймгийн Прокурорын газраас Т-г Аймгийн Цагдаагийн газрын Эрүүлжүүлэх, саатуулах, баривчлах байранд албан үүргээ гүйцэтгэж байсан цагдаа Б-г буюу хууль сахиулагчийг хүч хэрэглэн эсэргүүцсэн, хүч хэрэглэн эсэргүүцэхдээ хамар луу нь цохиж хөнгөн хохирол санаатай учруулсан гэмт хэрэгт яллах дүгнэлт үйлдэж, хэргийг шүүхэд шилжүүлжээ.

Шүүх хэргийг шүүх хуралдаанаар хянан хэлэлцэж нотлох баримтыг шинжлэн судлахад шүүгдэгч Т-г 2021 оны 12 дугаар сарын 07-ний өдөр Приус-10 маркийн тээврийн хэрэгслийг согтуурсан үедээ жолоодсон үндэслэлээр драгер багаж үлээлгэх гэхэд үлээхгүй гэсний улмаас түүнийг Цагдаагийн газрын Эрүүлжүүлэх, саатуулах байранд хүргэсэн байх ба цагдаагийн алба хаагчид түүнийг шалгахдаа Согтууруулах ундаа хэтрүүлэн хэрэглэсэн этгээдийг албадан эрүүлжүүлэх тухай хуульд заасан "согтууруулах ундаа хэтрүүлэн хэрэглэсэн этгээдийг албадан эрүүлжүүлэх, согтууруулах ундаа хэрэглэсэн боловч өөрийн үйлдлээ удирдан хянах чадвартай, зөрчил гаргаагүй хүнийг эрүүлжүүлэх байранд албадан хүргэхийг хориглох” тухай заалтуудыг зөрчсөн гэж шүүх дүгнэлээ.

Түүнчлэн цагдаагийн алба хаагч нар шүүгдэгч Т-г хуульд заасан үндэслэлээр эрүүлжүүлэх үндэслэл тогтоогдоогүй байхад эрүүлжүүлэх гэж хүч хэрэглэснийг шүүгдэгч Т эсэргүүцэн цагдаагийн алба хаагч Б-ын хамар руу нь цохиж хөнгөн хохирол санаатай учруулсанүйл баримт тогтоогдож байна.

Иймд шүүх шүүгдэгчийн хууль сахиулагчийг албан үүргээ биелүүлэхтэй нь холбогдуулж хүч хэрэглэж эсэргүүцсэн гэх үйлдэлд гэм буруутай эсэхэд эргэлзээ гарч байгаа тул шүүгдэгчид ашигтайгаар шийдвэрлэх зарчмыг баримтлан Т-д Эрүүгийн хуульд заасан "Хууль сахиулагчийг эсэргүүцэх” гэх хэргийг хэрэгсэхгүй болгож, шүүгдэгч Т-ийн хүний биед халдаж хөнгөн хохирол учруулсан үйлдэл нь гэмт хэргийн шинжтэй байх тул "Хүний эрүүл мэндэд хөнгөн хохирол санаатай учруулах” гэмт хэрэг үйлдсэн гэм буруутайд тооцож, 500.000 төгрөгөөр торгох ял шийтгэж шийдвэрлэлээ.

 

Шийдвэрийг бүтнээр харах цахим холбоос: ЭНД дарж үзнэ үү


 

Тоймыг бэлтгэсэн: Баянхонгор аймаг дахь Сум дундын Эрүүгийн хэргийн анхан шатны шүүхийн шүүгч Д.Батцэнгэл
Нийтэлсэн admin   Үзсэн: 11   |   Сэтгэгдэл: 0
ХЭВЛЭХ
Төсөөтэй мэдээлэл:
Бидэнтэй нэгдээрэй
АВЛИГЫН МЭДЭЭЛЭЛ АВАХ ДУГААР

нөлөөллийн мэдүүлэг
ШҮҮХИЙН МЭДЭЭЛЭЛ ТАНЫ ГАРТ

Зургийн цомог
Санал асуулга
 

Та Баянхонгор аймгийн шүүхийн талаарх мэдээллийг хаанас авдаг вэ?

Шүүхийн Мэдээлэл, лавлагааны албанаас
Орон нутгийн хэвлэл мэдээллийн хэрэгслээс
TV, RADIO
Сонин, сэтгүүлээс
Шүүхийн талаар мэдээлэл авах боломж хомс байдаг

 
 
  |  
«    Нэгдүгээр сар 2023    »
ДаМяЛхаПүБаБямНям
 1
2345678
9101112131415
16171819202122
23242526272829
3031