Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
5-03-2015, 13:06   Хэсэг: МЭДЭЭ, МЭДЭЭЛЭЛ   Сэтгэгдэл: 0  

ШҮҮГЧИЙН СОНГОН ШАЛГАРУУЛАЛТЫН БОДЛОГЫН ХУРААМЖ ХЭВЛЭГДЭН ГАРЛАА

 

     Шүүхийн ерөнхий зөвлөлөөс 2014 онд зохион байгуулсан шүүгчийн сонгон шалгаруулалтын эрх зүйн бодлогын хураамж хэвлэгдэн гарлаа.

Шүүгчийн эрх зүйн байдлын тухай хуулийн 4 дүгээр зүйлд шүүгчид нэр дэвшигчид тавих болзол, шаардлагыг тодорхойлсон. Уг болзол, шаардлагын 4.1.8-д "шүүгчээр ажиллах тухайн дагнасан шүүхийн салбар эрх зүйн мэдлэг, туршлагатай” байх гэсэн шалгуурыг эрх зүйн тохиолдол шийдвэрлүүлэх замаар шалгаж байна. Энэ шалгуур нэр дэвшигчдийн академик мэдлэгийг шалгахаас гадна түүнийг практикт хэрэглэх чадварыг мөн давхар шалгадгаараа олон улс оронд түгээмэл хэрэглэдэг сонгомол арга юм.

     2014 онд Монгол Улсын Шүүхийн ерөнхий зөвлөл анхан болон давж заалдах шатны шүүгч, Ерөнхий шүүгчийн 176 сул орон тоонд сонгон шалгаруулалт зарлаж, зохион байгууллаа. Үүнээс анхан болон давж заалдах шатын шүүхийн 74 Ерөнхий шүүгч, давж заалдах шатны шүүхийн 23 шүүгч томилогдож, анхан шатны шүүхэд 63 шүүгч шинээр томилогдлоо. Тус сонгон шалгаруулалтын шалгалтанд салбар эрх зүй тус бүрээс сонгогдсон бодлогыг эмхэтгэн Та бүхэнд хүргэж байна.

      Тус эмхэтгэл нь эрх зүйн шинжлэх ухаанд суралцаж буй оюутан залуус, нийгмийн бүхий л салбарт хуульчийн мэргэжлийн үйл ажиллагааг хэрэгжүүлж буй хуульчид болон иргэдийн эрх зүйн боловсролын хэрэгцээнд төдийгүй Хууль зүйн их, дээд сургуулийн төгсөлтийн шалгалт, Хуульчийн болон Шүүгчийн сонгон шалгаруулалтад оролцогчдод гарын авлага болно хэмээн найдаж хэвлүүлэв.

     Тус бодлогын хураамжийг Хууль зүйн үндэсний хүрээлэнгийн номын худалдаанаас авах боломжтой.
Нийтэлсэн admin   Үзсэн: 882   |   Сэтгэгдэл: 0
ХЭВЛЭХ
Төсөөтэй мэдээлэл:
Бидэнтэй нэгдээрэй
АВЛИГЫН МЭДЭЭЛЭЛ АВАХ ДУГААР

нөлөөллийн мэдүүлэг
ШҮҮХИЙН МЭДЭЭЛЭЛ ТАНЫ ГАРТ

Зургийн цомог
Санал асуулга
 

Та Баянхонгор аймгийн шүүхийн талаарх мэдээллийг хаанас авдаг вэ?

Шүүхийн Мэдээлэл, лавлагааны албанаас
Орон нутгийн хэвлэл мэдээллийн хэрэгслээс
TV, RADIO
Сонин, сэтгүүлээс
Шүүхийн талаар мэдээлэл авах боломж хомс байдаг

 
 
  |  
«    Нэгдүгээр сар 2023    »
ДаМяЛхаПүБаБямНям
 1
2345678
9101112131415
16171819202122
23242526272829
3031