Баянхонгор аймаг дахь Сум дундын Иргэний хэргийн анхан шатны шүүхийн 2016 оны үйл ажиллагааны төлөвлөгөөний дагуу 2016 оны 04 дүгээр сарын 14-ний өдөр шүүгч, шүүх дэх орон тооны эвлэрүүлэн зуучлагч, шүүгчийн туслахын хоорондын ажлын уялдаа холбоо, харилцан хамаарал,цаашид анхаарах асуудал сэдвээр тус шүүхийн шүүгч, шүүгчийн туслах, эвлэрүүлэн зуучлагч нарын дунд сургалт, ярилцлага зохион байгуулав.
Тус шүүх дэх эвлэрүүлэн зуучлагч Л.Бор эвлэрүүлэн зуучлалын тухай хууль хэрэгжиж эхэлснээс хойш өнөөдрийг хүртэл 1255 өргөдөл хүлээн авч 1041 өргөдлийг амжилттай шийдвэрлэсэн нь тухай шүүхийн шүүгч нарын ажлын ачааллыг эрс хөнгөрүүлэхийн зэрэгцээ иргэдийн цаг зав, мөнгийг хэмнэх, эвийн харилцааг бий болгох зэрэг олон талын ач холбогдолтой талаар мэдээлэл хийгдсэний зэрэгцээ эвлэрүүлэн зуучлагчдын зөвлөлөөс батлагдсан эвлэрүүлэн зуучлах ажиллагааны журам түүнд оруулсан нэмэлт өөрчлөлт, шүүгч, шүүх дэх орон тооны эвлэрүүлэн зуучлагч, шүүгчийн туслахын хоорондын ажлын уялдаа холбоо, харилцан хамаарал, цаашид анхаарах асуудлаар хэлэлцэн эцэст нь шүүгч эвлэрлийн гэрээг 7 хоногийн дотор хянаж захирамж гарган шүүгчийн туслах мөн хоног дотор материалыг буцааж хүргүүлэх, эвлэрлийн гэрээг баталгаажуулсан шүүгчийн захирамжийг шүүхээс гардан авах талаар эвлэрүүлэн зуучлагч талуудад үүрэг болгон хэлж анхааруулах, иргэний хэрэг үүсгэхээс өмнө болон үүсгэсний дараа хэргийн зохигчдыг шүүгчийн захирамжийн хамт эвлэрүүлэн зуучлагчийн туслахад хүлээлгэн өгөх, уулзуулах арга хэмжээг нэн даруй авах, улсын тэмдэгтийн хураамжийн асуудлыг шуурхай шийдвэрлэх зэрэг асуудлыг нэг бүрчлэн хэлэлцэн ярилцаж цаашид хууль, журмыг нэг мөр хэрэгжүүлэн шуурхай хамтран ажиллахаар тогтов.
