Баянхонгор аймаг дахь Сум дундын Иргэний хэргийн анхан шатны шүүхийн 2016 оны үйл ажиллагааны төлөвлөгөөнд "Баянхонгор аймгийн Шүүхийн шийдвэр гүйцэтгэх албаны 2016 оны хагас жилийн байдлаар шүүхийн шийдвэр гүйцэтгэлийн статистик мэдээлэл, цаашид анхаарах асуудал” сэдвээр зөвлөгөөн зохион байгуулахаар төлөвлөгдсөний дагуу тус аймаг дахь Иргэний хэргийн анхан шатны шүүхийн шүүгч, туслахууд, шүүхийн шийдвэр гүйцэтгэх албаны шийдвэр гүйцэтгэгч нар оролцсон зөвлөгөөн тус шүүхэд 2016 оны 06 дугаар сарын 06-ны өдөр зохион байгуулагдав.
Тус зөвлөгөөнд тус шүүхийн шүүгчийн туслах Д.Мөнхтуяа шүүхийн шийдвэр , шүүгчийн захирамжид бичигдсэн гүйцэтгэх хуудасны тоог хэрэг маргааны төрлөөр танилцуулсан бол Шүүхийн шийдвэр гүйцэтгэх албаны тасгийн дарга, ахлах шийдвэр гүйцэтгэгч Б.Бурмаа шүүхийн шийдвэрийн биелэлт, биелүүлэхэд гарч буй хүндрэл бэрхшээл, цаашид анхаарах асуудлын талаар дэлгэрэнгүй мэдээлэл хийв.
