Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
9-02-2017, 09:05   Хэсэг: МЭДЭЭ, МЭДЭЭЛЭЛ   Сэтгэгдэл: 0  

БУУЦАГААН СУМАНД НЭЭЛТТЭЙ ШҮҮХ ХУРАЛДААН ЗОХИОН БАЙГУУЛЛАА

Баянхонгор аймаг дахь сум дундын Эрүүгийн хэргийн анхан шатны шүүх, Шүүхийн тамгын газар, Прокурорын газар, Өмгөөлөгчдийн холбоотой хамтран 2017 оны 02 сарын 03-ны өдрийн Нээлттэй өдөрлөгийг зохион байгууллаа.

Бууцагаан суманд гэмт хэргийн гаралт нэмэгдэх хандлагатай байгаа учир иргэдийн хууль эрх зүйн мэдлэгийг дээшлүүлж, гэмт хэргийн улмаас учирах хохирол, нийгмийн аюул, гэмт хэргээс урьдчилан сэргийлэх талаар мэдээлэл хийж Шүүхийн тухай багц хуулийн хэрэгжилт, Шүүхийн шинэтгэлийн 10 үр дүн болон Монгол улсын шүүн таслах ажиллагааны 2016 оны тайланд дүн шинжилгээ хийж сумын 150 гаруй иргэн,сургуулийн ахлах ангийн 53 хүүхдэд мэдээлэл өгч шүүн таслах ажиллагааны талаарх мэдээллийг Эрүүгийн хэргийн анхан шатны шүүхийн Ерөнхий шүүгч Б.Гэрэлмаа, Иргэний шүүхэд мэдүүлэх эрхийн талаар болон иргэний эрх зүйтэй холбоотой маргааны талаарх мэдээлэл болон иргэдийн асуулт, нэхэмжлэлийн талаар Иргэний хэргийн анхан шатны шүүхийн шүүгч Л.Нарангэрэл , Шүүхийн тамгын газрын дарга М.Майжаргал Шүүхийн тухай багц хуулийн хэрэгжилт, Шүүхийн шинэтгэлийн 10 үр дүнгийн талаар иргэдэд мэдээлэл өглөө. Шүүгчийн туслах Т.Балжинням, Мэдээлэл лавлагааны мэргэжилтэн Б.Чулуунчимэг нар Шүүхийн иргэдийн төлөөлөгчийн эрх зүйн байдал болон холбогдох журмуудаар сургалт мэдээлэл хийн гарын авлага бэлтгэн эвлэрүүлэн зуучлалын үйл ажиллагааны талаарх материал зэргийг тарааж, тодорхой ойлголтыг өгч нээлттэй хаалганы өдөрлөгийг амжилттай зохион байгуулж ажиллалаа.

Мэдээллийн дараа Баянхонгор аймаг дахь сум дундын Эрүүгийн хэргийн анхан шатны шүүхээс Ерөнхий шүүгч Б.Гэрэлмаа, шүүгч Н.Баасанбат, шүүгч Д.Батцэнгэл нарын бүрэлдэхүүнтэйгээр Эрүүгийн хуулийн 99 дүгээр зүйлийн 99.1, 145 дугаар зүйлийн 145.2, 155 дугаар зүйлийн 155.1-т заасан гэмт хэрэгт холбогдсон 12 шүүгдэгчид холбогдох шүүх хуралдааныг сумын соёлын төвд НЭЭЛТТЭЙ хянан шийдвэрлэлээ.


Нийтэлсэн admin   Үзсэн: 685   |   Сэтгэгдэл: 0
ХЭВЛЭХ
Төсөөтэй мэдээлэл:
Бидэнтэй нэгдээрэй
шүүхийн 10 шинэтгэл
ШҮҮХИЙН МЭДЭЭЛЭЛ ТАНЫ ГАРТ

Зургийн цомог
Санал асуулга
 

Та Баянхонгор аймгийн шүүхийн талаарх мэдээллийг хаанас авдаг вэ?

Шүүхийн Мэдээлэл, лавлагааны албанаас
Орон нутгийн хэвлэл мэдээллийн хэрэгслээс
TV, RADIO
Сонин, сэтгүүлээс
Шүүхийн талаар мэдээлэл авах боломж хомс байдаг

 
 
Хандалт
  |  
«    Ёсдүгээр сар 2021    »
ДаМяЛхаПүБаБямНям
 12345
6789101112
13141516171819
20212223242526
27282930