Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
29-03-2017, 17:54   Хэсэг: МЭДЭЭ, МЭДЭЭЛЭЛ   Сэтгэгдэл: 0  

ХАМТЫН АЖИЛЛАГААНЫ САНАМЖ БИЧИГТ ГАРЫН ҮСЭГ ЗУРЛАА

2017 оны 03 сарын 28-ны өдрийн морин цагт Баянхонгор аймаг дахь Цагдаагийн газрын бие бүрэлдэхүүн Цагдаагийн албаны тухай хуулийн шинэчилсэн найруулгын эх бичвэрийг гардаж авах, цагдаагийн тангараг өргөх ёслолын арга хэмжээг аймгийн баганат талбайд зохион байгууллаа. Тус арга хэмжээнд Баянхонгор аймаг дахь Шүүхийн тамгын газрын албан хаагчид болон шүүгч нар оролцож, хүндэтгэл үзүүллээ.

Ёслолын арга хэмжээний дараа шүүхийн тамгын газрын дарга М.Майжаргал, Аймгийн Онцгой байдлын газар, Тагнуулын хэлтэс, Шүүхийн шийдвэр гүйцэтгэх алба, Авто тээврийн газар, Мэргэжлийн хяналтын газар, Газрын харилцаа, барилга хот байгуулалтын газар, Монгол банк, Татварын хэлтэс, Зэвсэгт хүчний 339 дүгээр анги зэрэг тусгайлсан чиг үүрэгтэй байгууллагуудын удирдлагуудын зөвөлгөөнд оролцож, цаашид хамтран ажиллах ажлын талаар санал бодлоо солилцлоо. Мөн Баянхонгор аймаг дахь Цагдаагийн газрын дарга, цагдаагийн хурандаа Б.Оюутболдтой 2017 онд хамтран ажиллах санамж бичигт гарын үсэг зурж, орон нутгийн хэвлэл мэдээллийн хэрэгслээр иргэдэд сурталчиллаа.

Шүүхийн тамгын газрын дарга М.Майжаргал Баянхонгор аймаг дахь Цагдаагийн байгууллагын хамт олон болон Шүүгч, шүүгчийн аюулгүй байдлыг хангах тасгийн хамт олонд ажлын амжилт хүсэж, цаашдын хамтын ажиллагааг өргөжүүлэн ажиллахаа тус зөвлөгөөний үеэр хэлсэн үгэндээ дурдаж, Архидан согтуурахтай тэмцэх тухай хууль, Тамхины хяналтын тухай хууль, Хөдөлгөөний аюулгүй байдлын тухай хуулийн хэрэгжилтийг хангуулах чиглэлээр хамтарч ажиллахаа илэрхийллээ.
Нийтэлсэн admin   Үзсэн: 796   |   Сэтгэгдэл: 0
ХЭВЛЭХ
Төсөөтэй мэдээлэл:
Бидэнтэй нэгдээрэй
шүүхийн 10 шинэтгэл
ШҮҮХИЙН МЭДЭЭЛЭЛ ТАНЫ ГАРТ

Зургийн цомог
Санал асуулга
 

Та Баянхонгор аймгийн шүүхийн талаарх мэдээллийг хаанас авдаг вэ?

Шүүхийн Мэдээлэл, лавлагааны албанаас
Орон нутгийн хэвлэл мэдээллийн хэрэгслээс
TV, RADIO
Сонин, сэтгүүлээс
Шүүхийн талаар мэдээлэл авах боломж хомс байдаг

 
 
Хандалт
  |  
«    Ёсдүгээр сар 2021    »
ДаМяЛхаПүБаБямНям
 12345
6789101112
13141516171819
20212223242526
27282930