Шүүхийн тамгын газрын дарга М.Майжаргал шүүхийн тамгын газрын үйл ажиллагаа, ажилтнуудын ажиллаж буй орчин, шүүхийн байгууллагын хамт олноо танилцуулж, тамгын газрын 2016 оны онцлох ажлын талаарх мэдээллийг хийлээ. Мөн 2016 оны шүүн таслах ажиллагааны талаарх тайланг Эрүү, Иргэний хэргийн давж заалдах шатны шүүхийн Ерөнхий шүүгч М.Мөнхдаваа ажлын хэсэгт танилцууллаа.

Шүүхийн ерөнхий зөвлөлийн гишүүн О.Зандраа Шүүхийн ерөнхий зөвлөлийн 2016 оны ажлын тайлан, 2017 онд хэрэгжүүлэх бодлого, зорилт болон цаашид хийж хэрэгжүүлэх ажлын талаар танилцуулж, шүүгч, ажилтнуудын санал, хүсэлтийг сонсож, тэдний сонирхсон асуултанд хариулж, чөлөөт ярилцлагыг өрнүүллээ. Шүүхийн ерөнхий зөвлөлийн гишүүн О.Зандраа Баянхонгор аймгийн шүүхийн хамт олонд ажлын амжилт хүсэж, Хонгор нутгийнхаа нэрийг өндөрт өргөж явахын ерөөлийг дэвшүүлэн энэ удаагийн уулзалт, ярилцлагыг өндөрлүүллээ.